ठाणे : 'क्यूटो सानगयो युनिव्हर्सिटी ऑफ जपान'च्या विद्यार्थ्यांनी सात सप्टेंबर रोजी महापौर मिनाक्षी राजेंद्र शिंदे यांची भेट घेतली. या विद्यार्थ्यांनी ठाणे महापालिका राबवित असलेल्या विविध उपक्रमांची माहिती जाणून घेतली. महापालिकेत महापौर, उपमहापौर, सभागृहनेते तसेच लोकप्रतिनिधी निवडप्रक्रियेसंदर्भातही माहिती करुन घेतली. महापालिकेत असलेले महिला आरक्षण, महापालिका राबवित असलेले विविध प्रकल्प, खाद्यसंस्कृती आदी विविध विषयांवर चर्चा केली.
यावेळी उपमहापौर रमाकांत मढवी, सभागृह नेते नरेश म्हस्के, विरोधी पक्ष नेते मिलिंद पाटील, नगरसेविका विमल भोईर, माजी नगरसेविका नम्रता भोसले, डॉ. महेश बेडेकर, ठाणे महाविद्यालयाचे ग्रंथपाल श्री. बारसे आदी उपस्थित होते.